Oila haqida latifalar

Maktabda ota-onalar majlisi boshlanibdi. Sinfning eng to‘palonchi o‘quvchisini otasiga o‘qituvchi debdi:
— Sizni o‘g‘lingiz maktabda har kuni o‘zini yomon tutadi.
Ota:
— Nima? Meni shunga chaqirdingizmi? O‘g‘lim uyda ham har kuni to‘palon qiladi. Sizni uyga chaqirtirmayapman-ku!?
— Qizim, idish-tovoqlarni yuvib qo‘ygin!
— Charchadim oyijon...
— Wi-Fi ga pul to‘lashdan men ham charchadim...
— Qaysi idishlarni yuvishim kerak?
Odatda qizi bor onalar:
— Qizim 17 yoshda. Birortasi qizimni boshini aylantirmasin-da...!
— Qizim 30 yoshda. Qizim birortasini boshini aylantirsa edi...!
Qizaloq oilaviy fotoalbomni ko‘rib o‘tirib, onasidan so‘rabdi:
— Oyijon, manavi suratda yoningizda turgan kelishgan, chiroyli yigit kim?
Onasi debdi:
— Seni adang-ku qizim.
Qizaloq divanda beo‘xshov, xurpayib televizor ko‘rib yotgan adasiga qarab:
— Bu kim unda? - dermish.
Bir ayol "Erim-vatanimdir!" deb post qo‘yibdi.
Kommentariyda "Vatan - barchamizniki!" deb yozib qo‘yilgan ekan.
Uchta erkak o‘zini xotinini maqtay boshlashibdi.
Birinchisi debdi:
— Meni xotinim shunaqa pokiza, shunaqa ozoda. Kecha ko‘ylagimni yuvib, dazmollab qo‘yibdi. Ko‘ylak xuddi yangidek, kiyilmagandek bo‘pti.
Ikkinchi erkak debdi:
— Meni xotinim shunaqa chevar-ki...! Tizzalari yirtilgan shimni tikib qo‘yibdi. Huddi yirtilmagandek...
Uchinchi erkak ham ularga qarab turib debdi:
— Meni xotinim ham juda ozoda, chevar! Uyimizni derazasini yuvib, parda ilib qo‘yibdi. Ko‘rsangiz hecham pardasi bor, yuvilgan deraza demaysiz...!
— Meni buvam sog‘lom turmush tarafdori bo‘lgan.
— Qanaqasiga?
— Do‘konga har doim piyoda borib kelgan. Hozirgilarga o‘xshab mashinada emas!
— Do‘kondan nima olgan?
— Aroq va sigaret...
Xorijga xizmat safariga ketgan nabirasiga qari onaxon qo‘ng‘iroq qilyapti:
— Allo, Shuhrat qayerdasan?!
Nabirasi shivirlab:
— Simpoziumdaman buvijon. Hozir gaplasha olmayman.
Onaxon:
— Men hech narsani bilmayman! Tuzlangan bodringdan 1 banka olib ketibsan. Bugunoq bankamni qaytarib olib kelasan!

Xotin:
— Gaplaringiz tentakni gapiga o‘xshaydi.
Er:
— Siz tushuning deb shunaqa gapiryapman.

Hammada shunaqami?
Farzandim bilan dars tayyorlashni boshlasam, "O‘zi maktabda o‘qiganmanmi?" degan fikr hayolimga kelaveradi...!