Pul-boylik haqida latifalar

Chiroyli bir ofitsiant qiz restoranda xo‘randaga xizmat ko‘rsatmoqda. Ovqatlanib bo‘lgach, u hisobni keltiribdi.
Xo‘randa pulni to‘lagach, qizga gap otibdi:
— Siz uchun doim eshitish yoqimli bo‘lgan uch so‘z bor. To‘g‘rimi?
— Ha, shunday.
— Xohlasangiz, men bu so‘zlarni topaman.
— Mayli, harakat qilib ko‘ring.
— Men sizni sevaman.
— Topolmadingiz! Bu so‘z - "Qaytimi kerak emas» edi.
Xotinim sanatoriyadan qaytib kelgach, elektr hisoblagichga qarab, necha kun uyda tunamaganimni aniq aytib berdi.
— Dugonajon qanday qilib bir oylik maoshni bir kunda sarflash mumkin?
— Maoshingni olgin, ko‘rsataman!
Rostan ham o‘sha boyvochchaga sevib turmushga chiqdimi? Albatta, men uni millionlariga turmushga chiqdim.
Oshiq yigit hikoyasi:
Sevgan qizim kitob o‘qishni juda yaxshi ko‘rishini, har kuni kitob o‘qishini aytdi. Uning tug‘ilgan kuniga qiziqarli kitob sotib oldim-da, 10-sahifasiga sovg‘a pul solib qo‘ydim. Oradan 1 oy o‘tsa ham, sevgan qizim pulga yetib kelmayapti...
Restoranda ikki yigit yon stoldagi ketvorgan qizlarni tomosha qilib o‘tirishibdi. Birinchisi:
— Yur tanishmimizami?
— Do‘stim birpast kutib tur, oldin stolga pulini to‘lashsin.
Krishtiano Ronaldo Paxtakor futbol klubi bilan 5 yillik shartnoma imzolabdi. Jurnalistlar intervyu undan olyapdi:
— Siz Paxtakorga qanday kelib qoldingiz?
— Tasodifan. Toshkentga borganimda muxlislarga dastxat bergandim. Shularni ichida bitta muxlis 5 yillik shartnomani uzatsa, bilmasdan qo‘l qo‘yib beribman.
— Sir bo‘lmasa, qancha maosh va’da qilishdi?
— Maoshim haftasiga 100 ming so‘m. U ham bo‘lsa 100 foiz plastik kartochkaga tusharmish...!
Bir yigitga ko‘chada mayda pul zarur bo‘lib qolibdi.
Cho‘ntagiga qo‘l solsa, 50 ming so‘mlik chiqibdi. Atrofda hech kim yo‘q, faqat yo‘l chetida GAI xodimi turgan ekan.
— Kechirasiz, shuni maydalab bera olmaysizmi?! - debdi yigit pulni uzatib.
GAI xodimi pulga qarab turib:
— Uzr, o‘zi hozirgina postga turdim. Hali pul yo‘q, - dermish.
Er xotiniga dedi:
— Arzanda o‘g‘ling yana hamyonimdan pullarimni o‘maribdi!
— Nega endi u bo‘larkan? Balki men olgandirman ...
— Yo‘q, sen emas! Hamyonimda pullarimni yarmi qolib ketibdi.
Ikkita korxonaning rahbarlari gaplashib o‘tirishgan ekan.
— Men ishchilarimga ikki oydan beri maosh bermasam ham ishga kelaverishadi, - debdi birinchisi.
— Men esa uch oydan beri ishchilarimga umuman oylik bermayapman. Baribir hammasi kelaveradi. Endi ishga kelishni ham pullik qilib qo‘ymoqchiman, - dermish ikkinchisi.