Болалар ҳақида латифалар

Қизалоқ оилавий фотоальбомни кўриб ўтириб, онасидан сўрабди:
— Ойижон, манави суратда ёнингизда турган келишган, чиройли йигит ким?
Онаси дебди:
— Сени аданг-ку қизим.
Қизалоқ диванда беўхшов, хурпайиб телевизор кўриб ётган адасига қараб:
— Бу ким унда? - дермиш.
Хорижга хизмат сафарига кетган набирасига қари онахон қўнғироқ қиляпти:
— Алло, Шуҳрат қаердасан?!
Набираси шивирлаб:
— Симпозиумдаман бувижон. Ҳозир гаплаша олмайман.
Онахон:
— Мен ҳеч нарсани билмайман! Тузланган бодрингдан 1 банка олиб кетибсан. Бугуноқ банкамни қайтариб олиб келасан!
Ўқитувчи сўрабди:
— Алишер, нима учун "Менинг маҳаллам" мавзусидаги иншоинг Қодиржоннинг иншоси билан бир хил ёзилган.
Алишер дебди:
— Чунки мен Қодиржон билан битта маҳаллада яшайман-да!
Ҳаммада шунақами?
Фарзандим билан дарс тайёрлашни бошласам, "Ўзи мактабда ўқиганманми?" деган фикр ҳаёлимга келаверади...!
Ақлли ота ўғли мактабда сўкиниб гапирмаётганини текшириш учун болға билан ўғлини бармоғига уриб кўради.
Иссиқ ҳавода дўконга кириб келган болага сотувчи дебди:
— Нима оласан?
Бола жавоб берибди:
— Дам оламан.
Эрталабдан боғчага кетаётган болакай ҳасрати:
"Ойижон, ҳамма институтлар, мактаблар карантин деб ёпилди, нега боғчалар очиқ?"
Мактабда 2 та чет тилини ўқитишади:
1-Инглиз тили;
2-Геометия.
Ўқитувчи Валижондан сўрабди:
— Сен ёзма ишингда боғча тарбиячиси бўламан деб ёзибсан. Бу касбга қизиқасанми?
Валижон ўқитувчисига:
— Ёнимда ўтирадиган Моҳигул қизиқар экан-да...!
Зоология дарсида:
— Алиев, иккита йиртқич ҳайвонни санаб бер-чи!
— Шер ва ...
— Билмайсанми? Ўтир “2”!
— Қодиров, учта йиртқич ҳайвонни санаб бер!
— Шер, йўлбарс, ...
— Билмайсанми? Ўтир “2”!
— Одилов, сен бешта йиртқич ҳайвонни санаб бер!
— 2 та шер ва 3 та йўлбарс.