Бошқалар ҳақида латифалар

Қўлларни 20 сония эмас, 20 дақиқа ювиш керак.
Ҳурмат билан "Сувсоз" ОАЖ.
Бир йигит тўтиқуш сотиб олса, тўтиқуш жуда ёмон сўзларни айтар экан.
Йигит тўтиқушни таъзирини бериб қўймоқчи бўлиб, уни музлатгичга солиб қўйибди.
Орадан ярим соат ўтиб, тўтиқуш кечирим сўрай бошлабди.
— Майли, кечирдим. Хатоларингни тушуниб етганга ўхшайсан! – дебди йигит.
Тўтиқуш бўлса йигитни қулоғига пичирлаб:
— Эшак миянгга яна нималар келади?! – деган экан.
Катта филармония концерти бошланди.
"Ҳозир Шестаковичнинг 6-симфонияси янграйди!"
Орқа қатордан эркак кишининг асабийлашган овози эшитилибди:
"Кўрдингми! Тезроқ юрсанг бўлмайдими?! 5 та симфонияни ўтказиб юборибмиз!"
Ақлли капалак атиги бир кун яшашини билиб қолиб, ўша куни жиноят қилган экан, 15 кун ўтириб чиқибди.
Бир куни уйда ўтирсам, 4 таси кепти.
Бир ўзим 4 тасига қарши чиқдим. Ҳар бирига бир шапалоқдан қўйгандим ўзига келолмади.
Сизларни уйингизда ҳам чивин борми?
Бизни шаҳаримизда қоидалар жуда оддий.
Ёғингарчилик бошландими? Демак, кўчаларга асфальт қилинади.
Асфальт қилиндими? Демак сув қувурлари алмаштирилади.
— Нега кўпчилик караокеда қўшиқ куйлашни хоҳламайди?
— Овози яхши бўлмагани учундир-да!?
— Йўқ, ўқишни билмагани учун!
Айрим одамлар жамоат транспортида юришдан аввал ҳаммомга киришни ўйлашмайди!

— Сен доим шунақа жиддиймисан?
— Йўқ! кулгули томонларим ҳам бор.
— Ниманг кулгили?
— Ойлик маошим.

Учта касб эгаларига ҳеч тушунмайман:
— Футболчилар ўзи тепган тўпни ўзи қувлайди.
— Врачлар беморни қаери оғриётганини билиб туриб, "Қаерингиз оғрияпти?" деб сўрайди.
— Ўқитувчилар ўзи билган саволни ўқувчилардан сўрайди.