Birinchi sinfda o‘qiydigan Xolmat, onasiga debdi:
— Oyi, bugun direktorimiz mendan: Sen oilada bitta farzandmisan?, - deb so‘radi
— Ha sen bittasan. U nima dedi?
— Xudoga shukur, - dedi.
Podsho bir kuni Afandi bilan suhbat vaqtida muchal surishtirib qolgan edi, Afandi yil ag‘darib ko‘rib: «Muchalingiz it ekan» dedi. Podsho og‘rindi:
— Jahonga sher bo‘lib tanilgan bir jahongir nahot it bo‘lsa. Adashmay durustroq hisobla, xech bo‘lmasa yo‘lbars chiqar!
Afandi javob berdi:
— Ishning bu tomonini o‘ylaydigan bo‘lsangiz, siz itligingizda tura beringu maqtashni menga qo‘yib bering: muchalingiz fil, taqsir!
Uchta pashsha gaplashib o‘tirib zerikibdi. Uchchalamiz uch tomonga ketamiz va bir yildan so‘ng shu yerda ko‘rishamiz deb uchishibdi. Oradan bir yil o‘tibdi, pashshalar kelishilgan joyda yig‘ilishibdi:
Biri semirgan, ikkinchisi o‘z holatida, uchinchisi ozib ketgan ekan. Semirgan pashshadan so‘rashibdi:
— Sen qayerda bo‘lding?
— Men boy xonadonga borib ovqatni ichiga tushsam, bir kosa ovqatni surib qo‘yishardi. Mazza qilib yeb yotardim.
Ikkinchisidan so‘rashibdi:
— Senchi?
— Men shunday ovqatga uchib tushardim, bir qoshiqda olib qo‘yishardi, shuni yeb yotardim.
Uchinchisidan so‘rashibdi:
— Senchi? Nega ozib ketding?
— Men studentlarning yotoqxonasi oldiga borib qoldim, shunday ovqatiga tushsam, qanotimdan ushlab, bir shimib otib yuborishardi.
Doktor bemorga dedi:
— Sizga ichish, chekish, begona ayollar bilan muloqotda bo‘lish ta’qiqlanadi.
Bemor o‘zicha o‘yladi:
«Xotinim qurmagur shu yergayam kelib ketdimi deyman?»
Bir alkash barga kirib barmenga 200g quy tozasidan, - desa
Barmen hayron bo‘lib, quyibdi.
— Yonimdagi akalarga ham quy, o‘zinga ham quy!, - debdi
"Rahmat" deb, chiqib ketayotsa. Barmen:
— Pulini bering, - desa
— O‘zing ham ichdingu, - debdi
Barmenning jahli chiqib, boyagini rosa uribdi.
2 kun o‘tib barmenni oldiga kaltak yegan alkash kelib:
— Manga 200g, o‘tirganlarga 300g dan quy, - debdi.
Barmen:
— Aka man ichmimanmi, - desa
— San ichvosang to‘palon qilarkansan, - dermish.
Boshliqni xonasini tozalayotgan farrosh ayolni qulog‘i eshitmas ekan. Bir kuni tokchadagi guldon yerga tushib sinibdi. Farrosh ayol orqasiga o‘girilib singan guldonga qaragan ekan, boshliqni yuragi yomon bo‘lib qolibdi. Chunki o‘sha farrosh opa maxfiy yig‘ilishlarda bemalol xonani tozalab yuravergan ekan-da!
— Ko‘pchilik yoshlar Internetdan chiqib keta olishmayapti.
— Nega? Nima halaqit beryapti?
— Buni xohlashmayapti.
Ota o‘g‘il chet el safarida xarobalar orasiga ekskursiyaga chiqishdi. Shu payt o‘g‘il otasiga:
— Dada, nima bu yerda oyim mashina haydashni o‘rganganmila? - dermish.
Bemor:
— Doktor, sog‘ligim joyida emasga o‘xshaydi! Endigina qirk yoshni qoraladim, lekin ko‘zguga qarashga qo‘rqaman! Tepakalman, ko‘zlarimning osti osilib qolgan, yuzimni ajin bosgan, tishlarim to‘kilib ketgan! Menga nima qilgan, a?
Doktor:
— Anig‘ini aytolmayman... Balki hammasi siz o‘ylaganchalikmasdir... Nima bo‘lganda ham, ko‘zingiz o‘tkir ekan!
Afandidan birov so‘radi:
— Afandi, minora qanday quriladi? Afandi javob berdi:
— Eski quduqni to‘ntarib minora yasaladi.