Пул-бойлик ҳақида латифалар

— Ҳой биродар, нега қармоғингни бирини сувга, иккинчисини ўт-ўланларни орасига ташлаб ўтирибсан?
— 10 минг берсанг сабабини айтаман.
— Мана ол 10 минг. Энди сабабини айт! Жудаям қизиқиб кетяпман!
— Сувга ташлаган қармоғимга ҳали бирорта ҳам балиқ илинмади. Ўт-ўланлар орасига ташлаган қармоғимдан 50 минг ишлаб олдим...
Инсонга алам қиладиган нарса нима биласизми?
Бир акахонга меҳр қўйиб, доим ёнида гирдикапалак бўлсанг-у, кутилмаганда ўша маразни эгаллаб турган лавозимидан бўшатиб юборишса.
Шунақа алам қилади...
Жиноятчилар гуруҳи томонидан заҳарланган пуллар хайрия фондига топширилибди.
Нима учундир барча бошлиқлар ва назоратчилар заҳарланибдилар.
Муҳтожлардан бирортаси ҳам заҳарланмабди.
"Ким миллионер бўлишни хоҳлайди?" ўйинида бошловчи иштирокчига дебди:
— Сиз "дўстимга қўнғироқ" имкониятидан фойдаланишингиз мумкин.
— Майли. Мен Америкадаги дўстимга қўнғироқ қилмоқчиман, - дебди иштирокчи.
— Америка? Хорижга қўнғироқ қиламизми? Ахир...!? Майли қўнғироқ қиламиз, - дебди бошловчи.
Иштирокчи америкалик дўсти билан роса 1 дақиқа ҳол-аҳвол сўраб, оиласи, ишлари тўғрисида гаплашиб олибди.
Бошловчи:
— Нега дўстингиздан саволнинг жавобини сўрамадингиз? - деса, иштирокчи:
— Бу саволни жавобини ўзим ҳам биламан. Шунчаки, дўстимга қўнғироқ қилиш учун пулим йўқ эди, - деган экан.
— Сени пул ва бойликдан бошқа нарса ҳам қизиқтирадими ўзи?
— Ҳа, албатта!
— Нима?
— Уларни қаердан топиш қизиқтиради.
— Ойижон, овқатимни ҳаммасини еб бўлдим!
— Шунинг учун ҳам биздан алоҳида яшагин деяпмиз-да ўғлим!
Манзилга етиб келганда такси ҳайдовчиси йўловчига:
— Узр, мен ҳисоблагични ёқишни унутибман, - дебди.
Йўловчи:
— Бўлиб туради... Мен эса ҳамёнимни уйда унутибман, - деган экан.
Автобусда:
— Холажон, сумкангиз очилиб қолибди.
— Вой болажоним раҳмат! Бошқа бир инсофсиз бўлганда ҳамёнимдаги пулларни ўғирлаб оларди.
— 100 минг сўм ҳам пул бўптими холажон?!
— Сени шунчалар севаманки, исмингни уйимни ҳовлисига ёзиб қўйдим.
— Шунчалик севсанг, уйингни мени номимга ёздириб бер!

Қўқонда ишлаб чиқарилаётган аёллар кийимини бир одам жуда катта миқдорда сотиб оларкан.
Бир тикувчи қизиқиб ундан сўрабди:
— Хотинингиз киядими ҳаммасини ёки опа-сингилларингизга ҳам совға қиласизми?
— Йўғ-е! Хотинимни телеграмда "Турецкий" кийимлар сотадиган группаси бор.