Пул-бойлик ҳақида латифалар

"Тилла ови" кўрсатувида собиқ севган қизларини бирма-бир исмини санаб берган ва ютуқни қўлга киритган машҳур актёрни хотини бир кун аразлабди. Лекин онасини уйига кетиб қолмабди.

Алкаш одам дўконга кириб сотувчига:
— Бир томчи ароқ қанча туради? - деса, сотувчи:
— Ҳеч қанча, - дебди.
Алкаш унга:
— Бир стакан ароқ томчилатиб беринг! - дермиш.

— Дадамга ўхшаб 100 миллион маош олишни хоҳлайман.
— Даданг шунча маош оладими?
— Йўқ, дадам ҳам шуни хоҳлайди.

Шифокор кўригида:
— Айтинг-чи доктор, менга шу пуллик операцияни қилиш зарурми?
— Албатта! Бу операциясиз умуман Амирсойга бориб бўлмайди.
— Мен Амирсойга боришни хоҳламайман!
— Сиз ҳақингизда гапирмадим...

Қари отахон банкдаги омонат пулларини ҳаммасини олиб кетибди-да, ярим соатдан кейин келиб яна банкка қўймоқчилигини айтибди.
— Ахир пулларингизни ҳозиргина олиб кетдингиз-ку?! - дебди банк ходими.
Отахон унга:
— Ҳамма пулларим жойида турганмикан деб санаб кўрдим-да болам, - дермиш.
Дўстимга смс:
"Салом дўстим! Ёрдаминг керак. Чиқимларим кўпайиб кетди. 300 доллар квартирага, 300 доллар машинани кредитига, 200 доллар аренда пуллари, 100 доллар коммунал тўловларга, 50 доллар боғча пули ва мактаб чиқимларига яна 150 доллар чойхона ва "гап" пулларини беришим керак".
Дўстимдан жавоб:
"Ҳисоблаб бераман. Жами 1100 доллар бўлади. Миннатдорчилик шарт эмас!"
Қуруқ ойликка яшаяпман деб, ONIX автомобилини 150 минг долларда сотиб олсам ҳеч ким ҳайрон бўлмайди. Лекин 1 йилдан кейин уни яна 150 минг долларга сота олсам, ҳамма менга қойил қолади.
— Хотин, қаёққа кетяпсан?
— Дўконга.
— Пластик картамни олдингми?
— Ҳа, олдим.
— Ичидаги пулларни ишлатмагин!
Беморни шикоятларини эшитиб ўтирган врач ҳадеб "Яхши, яхши" деяверибди.
Бемор:
— Мен дардимни айтсам, сиз нимага нуқул яхши деяверасиз? - деса, врач:
— Сизга ўхшаган беморларни қабулимга келиб тургани яхши-да! - деган экан.
— Ўғлим, бугун боғчада ким билан ўйнадинг?
— Фақат ўғил болалар билан ўйнаб тураман ҳозирча.
— Нимага?
— 8 март ўтиб олсин!