Қайнона-қайнота ҳақида латифалар

Қайнона келинидан сўрабди:
— Лағмон чўзишни биласизми келинпошша?
— Ҳа, биламан ойижон!
— Лағмонларингиз ингичка ва мазали бўлиши учун сизга нима керак?
— Оёғимни тагида ҳеч ким ўралашмаслиги керак!
Хитойлик қизни севиб қолган ўзбек йигити қизнинг отасига дебди:
— Қизингизни қўлини сўраб келдим. Менга турмушга чиқишига рухсат беринг!
Хитойлик ота жавоб берибди:
— Аждодларимиз каби бу ишни буюк аждар билан маслаҳатлашиб, кейин айтаман.
Йигит қувониб дебди:
— Овора бўлманг! Рафиқангиз билан гаплашиб бўлдим...
Божалар суҳбати:
— Божа, сизга битта яхши, битта ёмон хабарим бор. Қайси биридан бошлай?
— Яхшисидан.
— Мени табрикланг! Қайнонамиз ўн кун бизникида туриб, ваниҳоят бугун кетяпти...
— Зўр-ку! Ёмони-чи?
— Энди ўн кун сизларникида туриб, кейин уйига қайтмоқчи.
Эрталаб келин кафтларини ерга текказиб, машқ қилаётса, қайнонаси унга қараб:
— Салом берсангиз бўлди. Таъзим қилишингиз шарт эмас!, - дебди.
Қизни уйига совчилар келиб, йигитни мақтай бошлашибди:
— Ўғлимиз ичмайди, чекмайди, қизлар билан-ку умуман гаплашмайди...
Қизнинг онаси:
— Соғлиғи жойидами ишқилиб???
Отанинг қизига насиҳати:
Энди она қизим, ҳар бир қиз ўз уйига “Гости”. Шундай экан, сенга айтар Статусим: Куёвникига борганда “Закрыть Профиль” бўлгин. Эрингдан бошқаси сенга “Дружба” ташласа “Игнор” қилгин. Эрингни камчиликларини ҳамиша “Невидим” қилгин. Қайнота-Қайнонангни ҳар бир гапига “Класс” деб тургин. Уйдаги “Сообшения” ва “Обсуждения”ларни бизга ва кўчадагиларга асло “Копиравать” қила кўрмагин. Қўшниларингга “Друзья” бўл! Қайнопаларинг билан эса “Лучшие Друзья” бўлгин. Ҳар бир қилиқларига “Лайк” деб тургин. Уларнинг “Чёрный списка»сига асло туша кўрмагин!
Афанди бир куни товуқларига қараб ҳаёл суриб ўтирса, хотини кўриб:
— Нимани ўйлаб ўтирибсиз, - дебди.
Афанди:
— Биз энг олий мавжудод бўла туриб, шу парандаларчалик бўла олмаймиз. Қара, битта хўрозни қирқта хотини бор, болалари эса беҳисоб бўлса ҳам, ҳеч қайси бирига алимент тўламайди ва энг қизиғи бирорта ҳам қайнонаси йўқ, - дебди.
Қайнона янги туғилган набирасига қараб туриб келинига:
— Умуман ўғлимга ўхшамайди, - деса, келинини жаҳли чиқиб:
— Ойижон, мен сизга ксерокс эмасман! - дермиш.
Қайнона ҳар учта куёвини синамоқчи бўлибди. Биринчи куёви дарвозадан кириб келиши билан, ўзини ҳовлидаги ҳовузга ташлабди. Катта куёв дарҳол қутқариб олибди. Эртасига катта куёвни дарвозаси олдида янги Нексия машинаси, уни устида "Севимли куёвимга қайнонасидан" деган ёзув турган эмиш.
Эртасига қайнона ўртанча куёвини ҳам ҳудди шундай синабди. Ўртанча куёви тонгда ташқарига чиқса, дарвозаси олдида янги Матиз машинаси, уни устида "Севимли куёвимга қайнонасидан" деган ёзув турган эмиш.
учинчи куни қайнона кенжа куёвини синаш учун ўзини сувга ташлабди. Кенжа куёв ичида ўйлабди:
— Катта божамга Нексия, иккинчи божамга матиз тегди. Менга эски Тико ёки шалоғи чиққан Жигули тегса керак, - дебди-да, қайнонасини қутқармабди.
Эртаси куни эрталаб кўчага чиқса, дарвозаси олдида янги Каптива турган эмиш. Устида "Севимли куёвимга қайнотасидан" деган ёзув турганмиш.
Бир йигит касалхонада бошдан-оёқ гипс ҳолатда ётган эмиш. Ёнига бир дўсти уни кўргани келди ва ундан сўради:
— Ие, Алижон дўстим қандай қилиб бу аҳволга тушиб қолдинг?
Алижон:
— Бир машина катта тезликда келиб, қайнонамни уриб юборди.
Дўсти яна сўради:
— Қайнонангни машина уриб кетган бўлса, сен нега бу аҳволда ётибсан?
Алижон:
— Ўша машинани ғилдирагини ўпаман дегандим... шу холос.