Севишганлар ҳақида латифалар

Йигит:
— Кўриша оламизми?
Қиз:
— Йўқ! Тўйдан кейин...
Йигит:
— Тўйдан кейин эринг рухсат бермайди-ку!
Бир йигит уйланиб, тўй куни келинга дебди:
— Мен эркак кишиман. Эркак киши "кўчани одами" бўлади. Шундай экан мен кўчада кўп бўламан. Сени борлигинг мен учун иккинчи даражали иш, тушундингми? - деса, келин:
— Ҳа тушундим! Энди мен шу уйга келин эканман, қайнона-қайнотамга набиралар туғиб, уларни хурсанд қилишим керак. Шундай экан, менга ҳам сизни кўчада эканлигингиз иккинчи даражали иш, - дермиш.
Қиз билан йигит хиёбонда айланиб юришган экан. Дарахтзорлар орасига кирганда йигит қизни қўлидан ушлаб:
— Жоним, хоҳлайсанми сенга ёшлигимда кесиб ташлашган жойни кўрсатаман?
Қиз қизариб ерга қараб:
— Қўйинг уяламан, тўйдан кейин кўрсатарсиз.
— Бунга тўйни нима алоқаси бор, ҳозир кўравер. Кўряпсанми хўв, анави дарахтлар орасида кўринаётган бинони, ўша бино клиника. Ёшлигимда ўша жойда кўричагимни кесиб ташлашган...
Тунда севишганлар учрашиб турса, қизни отасини овози келибди. Йигит нима қилишини билмай, ёнидаги дарахтга чиқиб олибди.
Отаси яқин келиб:
— Ярим тунда нима қиляпсан? - деса, қизи:
— Ҳеч нима. Оймомони томоша қиляпман, - дебди.
Отаси:
— Ўша оймомога айт, дарвоза ёнига келсин. Велосипеди қолиб кетибди. Олиб кетади, - деган экан.
Севган қизим рашқимни келтириш учун янги йигити билан тушган расмини манга юборибди. Ман эса расмни қизни адасига юбордим. Адасиям бир рашқ қилсин...
Кунларнинг бирида афанди эшагини йўқотиб қўйибди. Анча қидирса ҳам, топа олмабди. Охири ҳафсаласи "пир" бўлиб, ҳиёбондаги ўриндиқда ўтирса, орқа тарафда икки севишган суҳбатлашаётганмиш.
Йигит қизга:
— Сени кўзларингга қарасам, бутун оламни кўргандек бўламан, - деса, афанди улар томонга шартта ўгирилиб:
— Қараб кўр-чи, мени эшагим кўринмаяптими?! - дермиш.
Икки севишган ҳиёбондаги ўриндиқда осмонга қараб ўтиришибди. Бирдан йигит дебди:
— Вой қара! Юлдуз учди! Ният қил!
Қиз:
— Сизга турмушга чиқсам дейман...!
Йигит:
— Ие!!! Қайтиб орқасига кетди-ку?!
— Ёшим 14 да, йигитим эса яқинда 21 га тўлади. Нима совға қилсам экан?...
— Жиноят кодексини!
Бир куни икки севишган денгиз бўйида ўтиришса, қиз сўрабди:
— Севигилим, нега денгизни суви кўпираверади?
Йигит жавоб берибди:
— Ким билади? Балиқлар кир ювса керак-да...
Ҳозир кимдир ўз севган қизини қўлини ушлаб турибди. Сен бўлса телефонни ушлаб ўтирибсан...