Haqiqat-adolat haqida latifalar

Bir kun student oshxonaga kirib:
— Oshpaz, manga 4ta manti bervoring.
Oshpaz:
— O‘o‘o‘, studentla kuchayibdimi?!
Student:
— 4ta mantiga qo‘shib, 24ta vilkayam bering.
Avval prokuror bo‘lib ishlagan odam zavod rahbari lavozimiga ishga tayinlanibdi va ishchilarga qarab:
— Men sizlarga o‘g‘rilik qilish qanaqa bo‘lishini ko‘rsatib qo‘yaman hali!!! - dermish.
Uyga erta tongda qaytgan eriga xotini dedi:
— Uyga nega tong saharda qaytdingiz?!
Eri esa hech ikkilanmay:
— Bunday paytda boradigan boshqa joy bo‘lmasa nima qilishim kerak?! - dermish.
Gollivudda o‘tkazilgan mukofotlash marosimida hozirgacha "Oskar" mukofotiga olti marta da’vogarlik qilgan Leonardo Di Kaprio nihoyat "Oskarga eng ko‘p marotaba da’vogarlik qilgan shaxs" nominatsiyasi bo‘yicha taqdirlandi.
Hazil sher:
Ayrim g‘unchalar ochilar ertalab,
Talaba qizlar o‘qishga shoshar ertalab,
Yarmi bilim talab, yarmi ertalab.
Bir odam pullarini yo‘qotib qo‘yib Xudoga iltijo qilayotgan ekan:
— Ey xudojon agar pullarimni topib bersang, butun umr faqat yaxshi savob ish qilaman. U pullarimga boshqa ichmayman! Tinmay ibodat qilaman, - deb qo‘llarini ko‘kka cho‘zib yig‘lab turgan ekan, shunda bir chekkada pullari yotganmish.
Shunda haligi kishi tezda ko‘z yoshlarini artib:
— Bo‘ldi kerakmas, o‘zim topdim, - dermish.
Bir ayol jon berayotgan ekan. Eridan so‘rabdi:
— Menga xiyonat qilganmisiz?
— Bu nima deganing?! Albatta yo‘q! - debdi eri. Shunda xotini:
— To‘g‘risini aytavering, xiyonat qilganmisiz? Baribir umrim tugayapti, - desa, eri:
— Mabodo o‘lmay qolsang-chi!? - dermish.
Shahar hokimining tomog‘iga suyak tiqilib, o‘ladigan bo‘lib qoldi. Qaratmagan tabibi qolmadi. Hech kim chora qilolmadi. Nihoyat Afandini eslashdi, unga odam yuborildi. Afandi o‘zi kelmay bir parcha qog‘ozga bir nima yozib yubordi.
Hokim qog‘ozni ochib ko‘rishi bilan bo‘yni cho‘zildi-yu, suyak — tomog‘idan o‘tib ketdi.
Odamlar hayron bo‘lib, kog‘ozga qanday duo yozilgan ekan deb qarashsa, Afandi:
— «Poraga kelgan qo‘yning suyagi», deb yozgan ekan.