Бошқалар ҳақида латифалар

Бир одам кетаётиб, тўсатдан қоқилиб кетибди-ю, боши ерга думалаб кетибди. Боши ерда қолиб, танаси кетиб бораётганмуш. Боши:
— Тўхта, тўхта...!!! - деб бақирибди. Тана тўхтамасмуш.
— Мен бу ерда сен билан қолдим-ку, нега бақирасан?! - дермиш қулоқ...
Бир йигит бошқа шаҳарга бориб, сартарошхонага кириб, соқолини олдирмоқчи бўлиб ўтирибди. Шунда сартарош совунга туфлаб, энди йигитни юзига суртмоқчи бўлган экан, йигит:
— Ие, қизикмисиз?! Мен меҳмонман! Шунақаям фаросатсиз бўласизми? - деса, сартарош:
— Укам сен меҳмонлигинг учун совунга туфлаб, кейин юзингга суртмоқчиман. Шу ерлик бўлсанг, юзингга туфлаб, кейин совун суртаман, - дермиш!
Юк ташувчи Эрбобоев ўн олтинчи қаватга оғир қопни олиб чиқар экан, "ёмон лифтёр" сўзига юзта синоним айта олди!
Бассейнга нохос тушиб кетган "Snickers" батончиги, бассейнда сузиб юрганлар орасида улкан ваҳима келиб чиқишига сабаб бўлди!
Бу йил ёзда денгизга бормоқчиман. Мени анъанам ўзи шунақа - ҳар йили ёзда денгизга боришни орзу қилиш!
Бир куни овчи кичикроқ тешикни пойлаб ўқ узибди. Тулки овлабди.
Иккинчи куни каттароқ тешикка отибди. Айиқ отиб ўлдирибди.
Учинчи куни жуда катта тешикни пойлаб ётса, поезд босиб кетибди.
Электрон ҳужжат айланиши баъзи давлатларда жуда “самарали” ишлаб келмоқда.
Ҳужжат тайёрланади, имзолаш учун принтердан қоғозга чиқарилади, имзо қўйилганидан сўнг яна сканерланади, тегишли ташкилотга юборилади ва ушбу ташкилотда ҳужжат яна принтердан чиқарилиб, ёрлиқ (фишка) билан раҳбарга киритилади. Раҳбар кўрсатмаси билан қайтиб чиққан ҳужжат яна сканердан ўтказилиб, папкага тикилади. Ҳақиқатдан ҳам ҳужжат “айланиши” ...
Хавотирга соладиган жумлалар:
1) Бу оғритмайди;
2) Сан билан жиддий гаплашиб олмоқчиман;
3) Паролингиз нотўғри кўрсатилган;
4) Картангизда пул етмаяпти.
— Ф.И.Ш. ни айтинг!
— Нима у ФИШ?
— Фамилиянгиз, исмингиз ва шарифингиз.
— КАЛ!
— Нима бу КАЛ?
— Камолов Абдулла Лутфиллаевич!
Қарға осмонда учиб кетаётган реактив самолётга қараб туриб ёнида бирга учаётган қарғадан сўрабди:
— Қизиқ, анави қушча қандай қилиб бундай тез уча оларкан-а?
— Сенинг ҳам думингга ўт қўйишса, қандай учишингни кўрардик, - дебди ёнидаги қарға.