Эркаклар ҳақида латифалар

Хотин эрига:
— Овқатланиб олдингизми? – дебди.
Эри бўлса, хотинининг жиғига тегиб:
— "Овқатланиб олдингизми?" – дебди.
Хотин:
— Жиғимга тегаверманг?! – деса,
Эри яна:
— "Жиғимга тегаверманг?!" – деб, жавоб қайтарибди.
Шунда хотин:
— Сени жуда-ям севаман. Туғилган кунингга тилла занжир совға қилмоқчиман! – деса,
Эри:
— Ҳа. Овқатланиб олганман... – дермиш.
Эри командировкага кетгач, аёл жазманини уйига таклиф қилибди. Жазман ўзи билан иккта дўстини ҳам олиб келибди. Уларга мабода эри қайтиб келиб қолса, дераза тагида палатка очиб туришни тайинлабди.
Орадан кўп ўтмай, аёлнинг эшиги таққиллаб қолибди. Жазман аёлнинг эрим қайтиб келди деб ўйлаб, шоша-пиша деразадан ўзини ташлабди.
Аёл эшикни очиб қараса, ҳалиги иккита дўсти аёлга қараб:
— Палатка очилмаяпти, - дермиш.
Эр хотинига қўнғироқ қилиб:
— Хотин, қаерларда бўлишни орзу қилар эдинг? Денгиз бўйидами ёки баҳаво ўрмонзорлардами? – деб сўрабди.
Қувончи ичига сиғмаган хотини:
— Албатта денгиз бўйида, дадаси! Саёҳатга йўлланма оляпсизми? – деса,
— Йўғ-э, хожатхона учун освежитель танлаяпман, – дермиш.
— Дугонажон, ҳали-ям турмушга чиқмадингми?
— Йўқ. Ўзимни энг яхши йигитга асраб юрибман!
— Узоқ асраб юраверма! Яроқлилик муддати ўтиб кетмасин тағин!
Бир одам сеҳрли чироқ топиб олибди ичидан жин чиқиб тила тилагингни, - деса.
— Эр бўлиш жонга тегди эрталабдан кечгача эшакдай ишлайсан хотиним уйда мазза қилиб ўтиради мани ишлаганимни кўрмийди қадримга етмийди. Кел мени хотинимни ўрнига, хотинимни мани ўрнимга алмаштириб қўй бир қадримга етсин, - дебди.
Жин:
— Хўп, бўлади, - дебди.
Эрталаб туриб қараса хотини билан жойи алмашиб қолибди. Хотини ишга кетибди.
Акамиз эса эрталабдан ҳовли супурибди, кир ювибди, болларни боғчага обориб олиб келибди. Овқат қилибди, уни устига хотини ишдан келиб акамиздан айб топиб уришибди. Шу тарзда бир ой ўтибди. Охири жонига тегиб Жинга айтибди:
— Жин, мени ўз холимга қайтар. Хотинларга ҳам осон эмас экан, - деса.
— Жин бу хали холва, буни иложи йўқ энди, кеч дебди,
Акамиз:
— Иее, нега иложи йўқ? Нега кеч? - деса.
Жин акамизга қараб:
— Сиз ҳомиладорсиз, - дермиш.
Афанди ўчоққа ўт ёқишга жуда кўп уринибди. Ҳеч ёқа олмабди.
Уйга кириб хотинининг рўмолини ўраб чиқибди-да, ўчоққа қараб "Пуф" деган экан, аланга олиб кетибди.
Шунда оловга қараб:
— Ҳа қўрқмас экансан-ааа, - дермиш.
— Автобусга чиқсам, бир аёл супурги кўтариб чиқиб қолди. "Нима, учмаяптими"?, деб юборибман ...
Эр хотин жанжаллашиб қолишибди. Бир соат ўтгач, ахийри хотини эрига қараб:
— Дадаси билмайсизми эшак қанча умр кўриб, кейин ўлади, - деса
Эри:
— Нима мазанг қочяптими, - дермиш
Фолбин ёнига келган аёлга дебди:
— Сизни эрингизни катта хавф кутмоқда!
Аёл бўлса:
— Буни биламан! Сиз айтингчи, мени қамашмайдими?!
Бир эркак ёнига енгилтак аёл келиб:
— Уч сўз айтсангиз, ҳар қандай истагингизни 100 мингга амалга ошираман, - дебди.
Эркак ҳам ўйлаб ўтирмай:
— Уйимни таъмирлаб бер!, - деган экан.