Ишхона ҳақида латифалар

— Салом дўстим! Лойиҳа бўйича янгилик борми?
— Салом. Ҳа, 2 та янгилик бор.
— Яхшисидан бошлайвер.
— Ким айтди сенга яхши янгилик бор деб?
— Раҳбарингиз яхшими?
— Жуда яхши.
— Ростанми?
— Ростан! Ёмонласанг, дарров бўшайсан.
Ҳамма раҳбарларни гапи бир хил!
“Ишламасанг бўша! Ўрнингга бошқа одам топаман!”
Лекин меҳнат таътилига чиқиш учун ариза ёзсанг:
“Ишни ким қилади?” “Сиздан бошқаси тушунмайди, қила олмайди...!”
— Бахтиёр, қаерда юрибсан? Сени ярим соатдан бери бошлиқ қидиряпти.
— Бошлиққа айтиб қўй! Яхши ходимни топиш жуда қийин!
Бир одам янги ишга кирибди. Нуқул ишхонага бир йигит соат 11:00 да келиб, компьютерда ўтириб, бирор иш қилмасдан кетавераркан.
У одамниям жаҳли чиқиб, эртаси куни у ҳам соат 11:00 да келса, унга ҳайфсан беришибди.
— Нимага? Анави йигит ҳар куни 11:00да ишга келади. Унга ҳеч нарса демайсизлар-ку! - деса, бошлиғи:
— У йигит меҳнат таътилида-ку! - деган экан.
Бир киши ишсиз, пулсиз қолиб кетибди.
Дўсти унга яхшилик қилмоқчи бўлиб корхонасига ишга жойлаштирибди. У киши ҳар куни келиб-кетиб, ҳеч иш қилмасдан ойлик олиб юраверибди-юраверибди.
Бир куни дўстини ёнига кириб дебди:
— Шунақаям адолатсизлик бўладими?!
— Нима бўлди дўстим? Ахир мен сенга иш бердим, ойлик оляпсан, - деса, ҳалиги киши:
— Ишхонага келиб кетишим шартми?! Ойлигимни уйга олиб бориб беришса бўлмайдими!? - дебди.
Бир кун ишдан қола кўрманг!
Акс ҳолда ҳамкасбларингиз сиз бўлмасангиз ҳам иш кетаверишини пайқаб қолишади.
Ишга боришни хоҳламагним учун эрталаб ҳамкасбларимга қўнғироқ қилиб, тана ҳароратим юқори экани айтиб, ёлғондан "Ковид бўлганга ўхшайман", деб айтдим.
Эртаси куни 3 та ҳамкасбим "Мендан ковид юқтириб олганини" айтиб ишга келишмади.
Уяли алоқа оператори раҳбарига телефон қўнғироғи орқали шикоят тушибди:
— Алло, сизни ходимларингиз шанба куни тушдан кейин умуман гўшакни кўтаришмайди!
Раҳбарнинг жавоби:
— Бир нечта ходимларим гўшакни талашиб жанжаллашишади.
Душанба куни эрталаб ғолиб чиққан ходим гўшакни кўтаради.
Бошлиқ хонасига ходим кириб:
— Рухсат берсангиз, бугун уйга эртароқ кетмоқчи эдим... - деса, бошлиқ:
— Қанча эртароқ? - деб сўрабди.
Ходим бўлса:
— 480 минутга эрта жавоб берсангиз... - деган экан.