Бир одам йўлда кетаётса, осмондан овоз этишилибди:
— Тўхта, тепадан ғишт тушяпти!
Ҳалиги эркак тўхташи билан, олдига катта ғишт келиб тушибди. Йўлда кетишда давом этибди. Кетаётса, яна овоз келибди:
— Тўхта, машина келяпти!
Дарров тўхтабди эркак. Шу пайт олдидан катта тезликда машина ўтиб кетибди.
— Сен ўзи кимсан?, - деб сўрабди бояги одам.
— Мен сени ҳалоскор фариштангман!
— Уйланишимдан олдин қаерда эдинг унда!!!
Бўри қўрадаги мингта қўйга тегмасдан, битта эчкини еб кетибди. Одамлар чўпондан:
— Нега бўри қўйларни емасдан, эчкини еб кетди, - деб сўрашса.
Чўпон:
— Бўрининг қон босими баланд экан, қўй гўшти емайди, - дебди.
Бир аёл худога нола қилибди:
— Эй худо! Нимага менга олийжаноб турмуш ўртоқ учратмайсан?
Шу пайт аёлга самодан товуш эшитилибди:
— Сенга орзуингдаги эркакларни юбордим. Сен улар билан дўст эканингни айтиб, ўзинг қаёқдаги аҳмоқлар билан учрашиб юрибсан.
Бир чиройли қиз дўкон айланиб юриб, сотувчидан сўрабди:
— Анави гулли, бежиримгина кўринган нарса нима?
— Бу антиқа совға. "Ягона севгилимга" деган ёзуви ҳам бор.
— Шундан менга олти дона бериб юборинг!
Бой хизматкорини чақириб буюрибди:
— Кучугимни думини кесиб ташла!
Хизматкор ҳайрон бўлиб:
— Ахир бу содиқ итингиз Джек-ку
— Эртага қайнонам келаётган экан. Уни ташрифидан ҳеч қандай хурсандчилик намойиш этилмаслиги керак!
Ҳаётда олийжаноб эркаклар қолмагани ҳақидаги гаплар нотўғри. Мана масалан, мен бугун хотинимга соябон тутиб турдим. У машина ғилдиракларини тезгина алмаштириб олди...
Бошлиқ янги ҳисобчини ишга олмоқчи бўлиб, номзодларни суҳбатга чақирибди:
— Икки карра икки нечи бўлади?, - деб савол берибди. Ҳаммадан "тўрт" деган жавоб чиқибди. Фақатгина битта номзод жавоб бермабди. Ёлғиз қолишгач, бояги индамай ўтирган номзод бошлиққа яқин келиб:
— Нечи бўлсин хўжайин? Қанча қилиб берай?, - деган экан, бошлиқ ўша номзодни ишга олибди.
— Оғайни, сен чет элларга тез-тез бориб турасан. Айтчи, Парижга бориб-келиш қанчага тушади?
— Агар хотининг билан борсанг, тахминан бир ярим минг евро кетади. Агар ёлғиз борсанг, беш-олти минг евродан кам пул олма!
Суд жараёни кетмоқда. Судья айбланувчидан сўради:
— Касбингиз нима?
— Акробатман!
— Қўриқчи, зудлик билан деразани ёпинг!!!
Котиба бошлиғига деди:
— Хотинингиз телефонда илтимос қиляпти.
— Илтимос қиляпти? Унда бу менинг хотиним эмас!