Болалар ҳақида латифалар

— Ойижон, газ плитамиз нега бунча кир бўлиб кетди?
— Аканг тухум қовурибди.
— Нима, акам товани тополмабдиларми?
Туғруқхонада акция:
Икки ўғил кўрган кишига учинчиси қўшиб берилади!
Ўқитувчи сўрабди:
— Болалар, мактабимизга текширув келган. Ҳозир улар бизни синфга кирганларида нима деймиз?
— Ассалому алайкум деймиз.
— Чиқиб кетаётганида-чи?
— Ҳайрият-ей деймиз! – дейишибди.
Мактабдан хурсанд бўлиб қайтган бола отасига дебди:
— Ада, ада! Мен эртага она тилидан "5" баҳо оламан.
Отаси:
— Ие, буни қаердан биласан ўғлим?
Бола жавоб берибди:
— Бугун ўқитувчимиз иншо ёздирган эдилар. Мен синфимиздаги энг аълочи қиздан кўчириб олдим.
Отаси:
— Нима мавзуда иншо ёздинглар?
Ўғли:
— "Менинг таржимаи ҳолим" мавзусида, - дебди.
Дан ходимининг боласи мактабдан 2 баҳо олиб келибди.
Отаси шу кун:
— Болам дафтарларингни олиб кел бир кўрай, - деса
Бола онасига:
— Ойижон 2 ни дадам кўрса уришади. Нима қилай? - деса
Ойиси:
— 10минг дафтар орасига қистириб бер, даданг уришмайди, - дермиш.
Бир куни болакай дадасига дебди:
— Дада, Ўзбекистон қачон жаҳон чемпионатига чиқади?
Дадаси бошини қашиб туриб дебди:
— Болам, рақиб томон адашиб, ўзини дарвозасига гол урганда, албатта жаҳон чемпионатига чиқармиз...
Бир савдогар кишининг Россиядан қайтгач таъсуротлари:
“Россияда ёш болалар ҳам русчани зўр билишар экан!".
— Собир, нега мактаб ремонтига пул олиб келмадинг?
— Мен мактабни ҳеч қаерини бузмадим-ку!?
Бир куни одамхӯрлар маконига самолёт қулабди. Шунда бир одамхӯр ӯғли билан самолёт ичидан одамларни ола туриб дебди:
— Бунисини эрталабга еймиз, бунисини эса тушликка.
Шунда ӯғли стюардессани топиб олиб:
— Дада, буни кечга еймизми? - деса, отаси шундай қараб:
— Йӯқ ӯғлим, кечга онангни еймиз! - дермиш.
Ўғли 18 га тўлган ота, енгил нафас олиб ўғлига деди:
— Ойинга бориб айт, 18 га кирдинг, энди алимент тўламайман! Қай ахволга тушаркан, менга кейин айтасан.
Ўғли ҳамма гапни ойисига айтибди. Ойиси:
— Отангга бориб айт, 18 йил бировни боласи учун пул тўлади, қай аҳволга тушишини айтарсан, - дермиш