Ҳарбийлар ҳақида латифалар

Уч йигит ҳарбий билим юртини битириб, хизматга келишибди. Полковникни ёнига кириб дебди:
— Ўртоқ полковник хизматни давом эттиришимиз учун ихтиёрингизга келдик. Полковник уччаласига қараб:
— Майли, сизларга учта савол бераман. 2 соат ичида жавобини айтасизлар. Биринчиси - аёлларга мунасабатиз? Иккинчиси - ичкиликка муносабатингиз. Учинчиси - хизматга муносабатингиз. Шу саволларга жавоб кутаман, - деб чиқарворибди.
2 соатдан кейин биринчиси кириб:
— Ўртоқ полковник, мен аёлимга хиёнат қилмайман, ичкилик ичмайман, хизмат қилишни хоҳлайман, - дебди.
Полковник:
— Баракалла! Сен рота командири бўласан, - дебди. Иккинчиси кириб:
— Ўртоқ полковник мен ичаман, хотинимга хиёнат қиламан, хизмат қилишни хоҳламайман, - дебди. Полковник:
— Ҳа майли, сен омборда ишлайсан, - дебди. Учинчиси кириб:
— Ўртоқ полковник, ароқ ва қиз машинада... Яна қандай хизмат буюрасиз, - дебди. Полковник болани кўзига қараб туриб, телфонини олиб, қўнғироқ қилибди.
— Алло, хотин бугун уйга кечроқ бораман. Янги ёрдамчимга объектларни кўрсатиб чиқаман, - дермиш.
— Ўртоқ прапоршик, самолётдан сакраган вақтим менга берган мана бу парашютингиз очилмай қолса-чи?
— Қайтариб олиб келасан, бошқасига алмаштириб бераман.
Старшина сафдаги аскарларни ошхонага олиб кетмоқда.
— Бир, икки! Бир, икки! ...
Шу пайт ёш болакай келиб дебди:
— Амаки, мен санай қолай? Ўнгача санашни биламан!
Чумоли ва фил чегарани ноқонуний кесиб ўтишмоқчи бўлиб, чегарага яқинлашишибди. Шунда чумоли бирданига ерга ётиб олибди. Фил ҳайрон бўлиб:
— Ие чумоли, нега ётиб олдинг? - деса, чумоли:
— Сен кетавер дўстим! Мени чегарачилар кўриб қолди, - дермиш
Бир куни командир қозок, рус ва тожик аскарларни олиб овга борибди. Командир ҳар бир аскарга қуён овлаб келиш учун вақт берибди.
Қозоқ ва рус ўз вақтида қуён овлаб келибди. Лекин тожикдан дарак йўқ эмиш.
Бориб қарашса, тожик бир бўрини тутиб олиб:
— Командирга қуёнман деб айтасан, - деб ўргатиб турганмиш.
Аскар чегара бузғунчисини қўлга олибди. Бузғунчи сигир терисини ёпиниб олиб, моллар подаси орасида ўтиб кетаётганда чегарачи уни пайқаб қолибди.
Бузғунчини қўлга туширган аскарни қаҳрамон деб атаб, ундан интервью олишибди:
— Айтинг-чи, душманни қандай қилиб қўлга олдингиз?
Чегарачи Ваня минбарга чиқиб, ҳикоясини бошлабди:
— Давлат чегарасини муҳофаза қилиб, қамиш орасида ўтирар эканман, ёнимдан моллар подаси ўтиб қолди. Кутилмаганда сигирлардан бири подадан ажралиб чиқиб, ёнимга келди-да: «Давлат чегарасига олиб борадиган йўлни кўрсатиб юборинг, илтимос», деб қолди. Ана шундагина миям ишлаб, у бегона сигир эканлигини фаҳмлаб қолдим. Ахир, маҳаллий моллар йўлни яхши билишади-ку!
Бўлинма командири:
— Ким пахта теримига боради?
— Мен, - деб сафдан чиқибди иккита аскар.
— Баракалла!, - дебди командир, — Сизлар мен билан машинада, қолганлар эса пиёда қадам бос!
Муддатли ҳарбий хизматга янги чақирилган оддий аскар чодирли шаҳарча йўлаги бўйлаб кетар экан, ёнидан ўтаётган генералга ҳарбийча салом бермай ўтиб кетибди. Ҳайрон бўлган генерал аскарни тўхтатибди.
— Менинг кимлигимни биласизми, ўртоқ оддий аскар?!
— Ҳой, йигитлар! — қичқирибди ёш аскар, чодирли шаҳарчага қараб, — Бу ёққа келинглар, маза қиласизлар. Мана бу қария ўзининг кимлигини эсидан чиқариб қўйибди.
Офицер аскарларни машқ қилдиряпти:
— Ҳамма ўнг оёғини кўтарсин.
Бир аскар адашиб, чап оёғини кўтарса, офицер жаҳл билан:
— Бу нима майнавозчилик? Ким у иккала оёғини ҳам кўтариб олган?
Учта аскар - рус, қирғиз ва ўзбек картада қимор ўйнаб ўтиришса, командир келиб кўриб қолибди. Аскарлар карталарни беркитишибди. Командир:
— Хизмат вақтида қимор ўйнаб ўтирибсизларми? деса,
Рус аскар:
— Ўйнамадим, ўлай агар, - дебди.
Қирғиз ҳам:
— Тил тортмай ўлай, картам умуман йўқ, - дебди.
ШУнда ўзбек аскар:
— Ўртоқ командир, манави иккита ўликлар билан карта ўйнаб бўладими ахир...?! - дермиш.