Калтафаҳмлар ҳақида латифалар

Маҳбус хотинидан хат олибди. Ўқиб чиққач, камерадошлари:
— Хотининг нима деб ёзибди? - деса, маҳбус:
— Э, ўғлим иккинчи йил ҳам бешинчи синфда қоладиган бўпти… Оиламизни шарманда қилибди ярамас! - дермиш.
Бир бемор палатада ётса, эшик тақиллабди.
— Кираверинг! - дебди бемор.
Чиройли бир ҳамшира қиз қўлида укол билан кириб келибди-да, қўлидаги уколни беморни ёнбошига қилиб турса, бемор:
— Синглим, барибир ёнбошимга укол қилар экансиз, нега эшикни тақиллатдингиз, - дермиш.
— Битта савол берсам майлими?
— Бериб бўлдинг?
— Иккита савол берсам майлими?
— Аллақачон бериб бўлдинг.
— Хўп! Тўртта савол берсам майлими?
— Тўртинчи саволни ҳам бериб бўлдинг.
— Қачон?
— Ҳозиргина!
Янги бой ўзига Джып машинаси харид қилибди. Машинани орқа тарафида 4х4 деган ёзуви ҳам бор экан.
Машинани кўчада қолдириб уйига кириб кетса, бир маст одам келиб, орқадаги 4х4 деган ёзувни ёнига мих билан қириб =16 деб ёзиб кетибди.
Жиғибийрони чиққан бой устахонага бориб машинасини таъмирлатибди.
Эртаси куни яна шу ҳолат такрорланибди. Маст киши энди ҳар куни =16 деб ёзиб кетаверибди.
Асабийлашган бой устахонага бориб, чиройли ҳарфлар билан 4х4=16 деб ёздириб келибди.
Эртаси куни тонгда чиқиб қараса, машинасини орқасида мих билан қириб ёзилган шундай ёзув турганмуш "Тўппа-тўғри!"
— Дўстим, кеча кечқурун ичиб келганмидинг?
— Сен қаердан билдинг?
— Телефонингни чироғини ёқиб олиб, телефонингни қидираётган эдинг.

Севган қизи билан уришиб қолган йигит дўстидан 100 долларга заҳар топиб беришини сўрабди.
Дўсти:
— Жиннимисан?! Шунча пулга заҳар олгунча, 2 метр арқон олиб ўзингни осақол, - деса, дўсти:
— Ўзимни оссам бўғилиб ўламан-ку! - деган экан.

Эрталаб соат 8:15 да уйдан югуриб чиқдим. 8:00да бошланган дарсга улгуршим керак-ку ахир!
Тўйда келин-куёв ўтирса, келин куёвга шивирлармиш:
— Тезроқ тўй тугаса-ю, ичкарига кираволсак...!
Куёв келинга қараб:
— Сизни ҳам оёғингизни янги туфли сиқиб юбордими-а?!
Мезбон:
— Таомингизга қўзиқориндан ҳам солайми?
Меҳмон:
— Йўқ, раҳмат. Мен фақат ўзим терган қўзиқоринларни ейман.
Мезбон:
— Хоҳласангиз, полга сочиб бераман териб чиқасиз.
Бир киши уйини деворларига гулқоғоз (обой) ёпиштирмоқчи бўлибди. Пастки қаватдаги қўшнисини уйига тушиб сўрабди:
— Сиз яқинда ремонт қилган эдингиз. Қанча гулқоғоз сотиб олгансиз?
— Олти ўрам гулқоғоз сотиб олганман, - дебди қўшниси.
У киши ҳам бозордан олтита гулқоғоз сотиб олибди.
Таъмирлаш ишларини тугатиб бўлгач қараса, 2 та ўрам гулқоғоз ортиб қолибди.
Қўшнисини эшигини тақиллатибди.
— Қанақа одамсиз?! Ростини айтсангиз бўлмасмиди!? 2 та ўрам гулқоғоз ортиб қолди-ку, - деса, қўшниси:
— Менда ҳам 2 та ўрам ортиб қолди. Сиз мендан қанча гулқоғоз ишлатдингиз деб эмас, қанча сотиб олган эдингиз деб сўрадингиз-ку!