— Парашютдан сакраш неча пул?
— 500 000 минг сўм.
— Қўрқинчли, парашют очилмаса-чи?!
— Унда пулингизни қайтариб, берамиз.
Немис, яҳудий ва рус аёллари бола туғибди.
Туғуруқхонада чақалоқлар алмашиб қолибди. Оталар бунинг чорасини кўра бошлашибди.
Немис:
— Ҳай Гитлер! - деса, бир чақалоқ қаддини ростлабди.
Шунда немис:
— Бу меники, - деб чиқиб кетибди.
Рус ота, бир болани қўлига олибди.
Шунда яҳудий:
— Нимага энди бу гўдак сеники бўлсин?
— Немис: "Ҳай Гитлер" деганда, менинг болам муштларини тугди, сеники эса иштонига ўтириб қўйди.
Мактабда эълон: "Ота-оналар мажлиси соат 3 да бошланади. Кириш бепул. Чиқиш 5 минг сўм."
Бир Андижонлик окахонимиза Англиядан қўлида бир чемадан пул билан келса, божхона ходимлари қизиқиб сўрашибди:
— Ака, ўзи Англияга 2 кунга бориб келган бўлсангиз, қаердан шунча пул ишладиз?
— Картадан ютиб олдим, - дермиш
— Қанақа қилиб?
— Скверда кетаётсам, 2 та Англичан сувара ўйнаб ўтирган экан. Кейин бири манда 21 деса, иккинчиси ютқаздим деб пул берибди.
Мен ҳайрон бўлиб:
— Нимага бу картасини очмасаям, ютқаздим деб пул тутқаздингиз? - десам.
— Бизда джентелменнинг сўзи қонун, - деб айтди.
Буёғи энди, окалар, ишанаверинг бўлиб кетди.
Эр хотинига ялинди.
— 20000 сўм бер…
— Йўқ, берсам яна ичиб қўясан.
Кечқурун хотин ишдан келиб қараса, уйда ғозлар йўқ.
— Хой, эр, ғозлар қани?
Ширакайф эр:      
— Ғозлар жанубга учиб кетишди. Агар 20000 сўм бермасанг, қўйлар ҳам тоққа чиқиб кетишади.
Учта кампир гаплашиб ўтиришибди.
Биринчи кампир:
— Ёшим 60 га чиқди, биттаям тишим тушмаган, туф-туф кўз тегмасин, - дебди.
Иккинчи кампир:
— Ёшим 65 га чиқди. Сочларим ҳудди ёшлигимдагидай қалин, қора. Туф-туф кўз тегмасин, - дебди.
Учинчи кампир:
— Мақтанишга бошқа нарса тополмадиларми? Тўғри ёшим силарникидан анча катта. 70 даман, тишларим аллақачон тўкилиб, сочларим ҳам оқариб ётибди. Лекин ҳалиям ман қиз боламан. Туф-туф кўз тегмасин, - дермиш.
Бир қиз кўчада кетаётса, ўғри қизни бир қўлини кесиб кетибди. Милиция ходими киздан:
— Нега бир қўлизни кесиб кетишди?
Қиз:
— Қўлимда тилла узук ва тилла браслет бор эдида.
Милиция:
— Нега бақирмадиз? Одамларни ёрдамга чақирмадиз?
Қиз:
— Бари тишларим тиллодан, бошимни олиб кетишса, ўлайми? - дермиш.
4 та бойвачча дўстлар ҳар куни битта ресторанда битта столда овқатланар экан. Ҳар сафар битта официант хизмат қиларкан.
Улар ҳар сафар вилка, пичоқни беркитиб қаҳвани тўкиб юбориб, официантнинг устидан кулишаркан.
Бир куни официантни чақириб:
— Бизни кечир, сенга кўп беҳурматлик қилдик. Сен бу қилиқларимизга парво ҳам қилмай хизмат қилдинг, -дейишибди.
Официант:
— Бўпти, энди мен ҳам қаҳвага тупурмайман, идишларни унитазда чайқамайман, - дебди.
Афанди боғида ўтин қилиб, кечқурун болтасини елкасига ташлаб кетаётган эди, йўлда бир ҳовлидан ит чиқиб, Афандига ташланди. Афанди болта билан итни чопиб ўлдирди. Итнинг эгаси чиқиб Афандини тутди:
— Ит сизни талаган экан, болтанинг сопи билан уриб ҳайдасангиз ҳам бўлар эди-ку!
— Ит думи билан қопса, болтанинг сопи билан урар эдим, бети билан қопгандан кейин, мен ҳам болтанинг бети билан чопдим-да! Ўзидан кўрсин!
Бир чол иккинчисига мақтанибди:
— Эшмат, мен ёшлигимда қанақа бўлсам ҳозирам худди шунақаман.
— Оллаа, Тошмат, жа оширвордин-ку.
— Ишонмайсанми? Ҳуу анави харсанг тошни кўряпсанми? Ўша тошни ёшлигимдаям кўтаролмасдим, ҳозирам кўтаролмайман.