Афандининг қўшниси тўй қилди, тўйга одамларни хат орқали чақиртирмоқчи бўлиб, таклифномаларни тарқатиб беришни Афандидан илтимос қилди. Афанди қўшнисининг илтимосини қайтара олмади, шаҳарда такаббурлиги билан танилган бир бойникига ҳам қоғоз олиб борди.
Бой Афандидан таклиф қоғози юборилганига ғаши келиб, сўради:
— Таклифнома олиб келиш учун сендан кўра дурустроқ одам топилмадими?
— Дурустроқ одамлар ҳам бор эди-ю,— деди Афанди,— аммо улар дурустроқ одамларникига хат олиб кетдилар.

Бир куни Aзизбек мактабгa келмaди. Эртacигa уcтoзи Азизбекдaн:
— Нeгa кечa мaктaбгa келмaдинг, - деб cўрaди.
— Бир аёлни пули тушиб қoлибди.
Уcтoзи:
— Ҳa, қидиришиб юбордингми?
— Йўқ, у aёл кетгуничa пулни oёғим билaн боcиб турдим.

«Отелло» спектакли тамом бўлгандан кейин Афандинииг хотини жуда таъсирланиб:
— Автори саҳнага чиқсин!—деб қичқирди. Шунда Афанди унинг тирсагидан тортиб:
— Ўтир жойингга, автори ўтган йили ўлган,— деди.

Габроволикка битта шиша зарур бўлиб қолди. У битта шишани топди, лекин унда озгина йод қолган экан. Йодни тўкиб ташлаш унга увол кўринди ва у бармоғини шартта кесди-да, унга бор йодни қуйди ва шундан кейингина шишадан фойдаланди.

Қамоқхонада ўтирган болага онадан хат келибди:
— Болам огородни чопиш, картошка экиш керак, энди ман қариб қолдим, бир ўзим қийналвоман, дебди.
Ўғли хат ёзиб конвертни юзига, "Онажон огородни чопманг сизниям қамашади, мангаям срок қўшишади", деб ёзиб қўйибди.
Бир ҳафтадан кейин онадан хат келибди:
— Болам сандан хат кеганидан кейин, уйимизга 4та милиция келди, бутун огородни чопиб ташашди, дебди.
Бола онага жавоб хати йўллабди:
— Она қўлимдан кегани шу, картошкани ўзиз амаллаб экволарсиз, дермиш.

Бир куни жин уч кишини ушлаб олибди. Хитойлик, ҳинд ва ўзбек. Уччаласига шарт қўйибди. "Хохлаган нарсангиз билан ўзингизни ҳимоя қилинг. Мен муштум билан ураман". Биринчи бўлиб хитойлик ўртага чиқибди.
Жин: Ўзингни нима билан ҳимоя қиласан?
Хитойлик: Буюк Хитой девори билан.
Жин бир уришда Хитой деворини парчалаб иккинчи уришда хитойни уриб ўлдирибди.
Навбат ҳиндга келибди. Ҳинд йога усулларидан фойдаланиб алланима бир ҳолатда ўтирибди. Жин ураверибди, ураверибди. Ҳиндга хеч нарса қилмабди. Охири чарчаган жин ўзбекдан сўрабди:
— Сен нима билан ҳимояланасан?
— Ҳинд билан.

Тбилисидаги сув тошқини натижасида ҳайвонот боғидан ҳайвонлар қочишди. Қочган бир эчки Одессада топилган.

Шифокор, ҳузурига келган матн терувчига:
— "А" денг-чи...
— Катта "А" ми ёки кичик "а"?

Эшмат роддомда деразага қараб бақиряпти:
— Ҳалима, Ҳалимаа, Ҳаалиимаа!
Деразадан Ҳалима қараб:
— Намунча бақирасиз?
Эшмат:
— Туғдингми?
Ҳалима:
— Ҳа, эгиз!
Эшмат:
— Кимга ўхшайди?
Ҳалима:
— Бир-бирига ўхшайди!

Ёш йигитча китоб дўконида сотувчидан сўрабди:
— Сизларда "Қандай қилиб 1 ой ичида миллионер бўлиш мумкин?", - деган китоб борми?
— Бор! Мана, марҳамат! Лекин сизга тавсиямиз — бу китобга қўшиб "Жиноят кодекси"ни ҳам сотиб олинг.