Дўкон-бозор ҳақида латифалар

Бир куни подшоҳ халқи қандай кун кечираётганига кизиқиб, эски кийимларни кийиб олибди-да, бозорга борибди. Гўшт растасини олдига бориб:
— Бир кило гўшт неча пул?
— Беш тилло!
— Нега бунча қиммат?
— Чунки подшоҳимиз нодон!
Подшоҳ саройга қайтибди. Эртасига башанг кийиниб, энди соқчилари билан яна ўша гўшт сотувчисини олдига борибди:
— Ассалому алайкум, подшоҳим, - дебди сотувчи.
— Гўштни қанчадан сотяпсан? - сўрабди подшоҳ
— Беш тиллодан!
— Нега бунча қиммат?!
— Кеча сиз нодонга айтдим-ку...
Харидор қассобдан харид қилмоқчи бўлиб:
— Думбангиз неча пул?
— Қўйникини айтяпсизми?
— Менга жуда кучли будильник керак.
— О, айни вақтида келдингиз. Бизда зўри бор. Аввал ўт ўчирувчиларнинг сиренаси чалинади, унинг ортидан артиллерия овозлари эшитилади. Бу ҳам фойда бермаса, устингизга бир челак совуқ сув сепади. Шундан кейин ҳам ўрнингиздан турмай ётаверсангиз ўзи ишхонангизга қўнғироқ қилиб, сизнинг касал бўлганингизни билдириб қўяди.
— Кучсизлик қилмасмикан?..
— Яна биттаси бор. Юқоридагиларни бажарганидан кейин ҳам уйғонмасангиз, гўрков билан домлани ҳам қидириб топиб келади.
Дўконга кирган мижоз сотувчига дебди:
— Кеча сизлардан аёллар пальтосини сотиб олган эдим. Хотинимга ёқмади. Алмаштириб берсангиз...
Сотувчи ҳайрон қолиб:
— Бўлиши мумкин эмас! Ахир бу ажойиб пальто-ку! Балки пальтони эмас, хотинни алмаштирарсиз?!
Брюс Ли Ўзбекистонга келиб, Юнусободдаги Stroy Mir ни айланиб юрса, қурилиш асбоблари дўконида ломни кўриб қолибди. Брюс Ли ўзини кўрсатиб қўймоқчи бўлиб, сотувчи чолга қараб туриб, ломни қўли билан қайириб ташлабди-да, жойига қўйибди. Жаҳли чиққан чол:
— Олмасанг нима қиласан тегиб, - дебди-да, ломни яна текислаб қўйган экан.
Бир харидор нуқул 200 грамм гўшт сотиб олаверар экан. Кунлар, ойлар ўтиб, бир куни ўша дўкондан 2 кг. гўшт сотиб олибди. Шунда сотувчи “Нима бўлди? Тўй қиляпсизларми?” деган экан.
Бир одам сигирини сотмоқчи бўлиб бозорга олиб келибди. Харидор сўрабди:
— Сигирингиз серсутми?
— Ҳа, сути яхши. Аммо битта камчилиги бор.
— Қанақа камчилик экан?
— Соғилаётганда қаттиқ тепади.
— Ҳечқиси йўқ, сигирни хотиним соғади.
Бир талаба бозорда ҳушидан кетиб қолибди. Шунда одамлар:
— Сув олиб келинг, - деб бақиришса, талаба ҳушига келиб:
— Нон эсдан чиқмасин дермиш.
Бир одам йўлда кетаётиб, жуда-ям исиб кетибди.
Дўконлардан бирига кирса, муздеккина экан. Бироз дам олиб турмоқчи бўлса, сотувчи келиб сўрабди:
— Келинг, нима оласиз?
Ҳалиги одам:
— Дам оламан, борми? – дермиш.
Ёш бола дўконга кириб:
— Асал беринг, - деб сотувчига идишини узатибди.
Сотувчи идишни асалга тўлдиргач, болакай унга:
— Пулини адам кечқурун бериб кетадилар, - дебди. Жаҳли чиққан сотувчи, — Йўқ, - дебди-ю, асални қайта тўкиб олибди.
Дўкондан чиққан болакай қўлидаги идиш ичига қараб:
— Адам рост гапирган эканлар. Бу ерда иккита нонга суртса етадиган асал чиқади, - дермиш хурсанд бўлиб.