Миллатлар ҳақида латифалар

Ўзбек хитойликдан сўрабди:
— Сизларда аҳоли неча киши?
Хитойлик айтибди:
— Бизда аҳоли 1 млрд. 300 млн.дан ортиқ. Сизларда-чи?
Ўзбек:
— Бизда 32 млн. аҳоли бор, - дебди.
Шунда хитойлик ўзбекка қараб:
— Унда ҳаммаларинг бир-бирларингни танисаларинг керак-а? – дебди.
Араб миллиардерига Германияда ўқиётган талаба ўғлидан хат келибди:
"Ҳурматли дадажон!
Берлин жуда чиройли шаҳар экан. Одамлари ҳам яхши. Ҳамма ишларим, ўқишим жойида! Фақат бир муаммо бор: мен ўқишга тилла Феррари машинамда келаман. Ўртоқларим поездда келишади. Ҳатто ўқитувчиларим ҳам. Шунга мен баъзида хижолат бўламан".
Отасидан жавоб келди:
"Севимли ўғлим!
Хижолат бўлишингни истамайман. Сени ҳисобингга етарлича пул ўтказдим. Ўзинггга поезд сотиб ол! Бизни уятга қўйма".
Россияда кўприк қуриш учун Германия, Хитой ва Ўзбекистонлик қурувчиларни чақиришибди.
Биринчи бўлиб Германиялик қурувчилардан сўрашибди:
— Фалон километрлик кўприкни қанчадан қуриб битказасизлар?
Немислар жавоб берибди:
—Замонавий техника ва малакали ишчиларимиз билан сифатли кўприкни бир йилда қуриб берамиз, - дейишибди.
Кейин Хитойликларга шу саволни беришибди. Улар бундай кўприкни олти ойда битиришларини айтишибди.
Охири Ўзбекистонлик қурувчиларга шу саволни беришса, улар шундай жавоб беришибди:
— Энг яқин байраминглар қачон? Ўша байрамга битириб топширварамиз!
Бир йигит Болгарияга борибди. У ерда бир қизни яхши кўриб қолибди.
Йигит қизга:
— Сени миллатинг нима?
Қиз:
— Мен болгаркаман.
Йигит:
— Мен эса дрелман, - дермиш.
Бир куни афанди битта рус ва карейс билан гаров ўйнабди. "Ким музлатгични ичида кўп туради" дебди.
Уччаласи учта музлаткичга кириб олишибди. Орадан ярим соат ўтгач, корейс чиқиб келибди.
Бир соатдан кейин рус қалтираб чиқибди.
Афанди орадан 3 соат ўтса ҳам жиммуш.
Секин рус музлаткични эшигини очиб қараса, афанди:
— Эшикни ёп! Совуқ киряпти, - дебди.
Хитой метро бекатида турган йигит қизга:
— Чу минь сянь дуф, - дебди.
Қиз ўйлаб туриб:
— Ян фай ру тан, - дея жавоб берибди.
Йигитнинг жаҳли чиқиб кетиб:
— Дау шан Фан, дафан ню ру, ян ру го зай, - дея жеркиб берибди.
Шундан сўнг қиз йиғлаб юборибди.
Кейин:
— Куан гуа джи ру, шуян ю
...Ҳа, дўстим. Худди ўқиб бирон нарсани тушунаётгандек давомини кутаяпсиз.
Икки абитуриент институтга ҳужжатларини топшириб бўлиб, уйга қайтишда кечки овқатга товуқ олиш учун дўконга кирибдилар. Қарашса, товуқ ва тухум сотаётган сотувчи рус аёл экан.
— Сен рус тилини биласанми? – сўрабди дўсти.
— Йўқ, - дебди шериги.
— Майли, ҳозир шошмай тур! – деб, сотувчини ёнига борибди-да, тухумни кўрсатиб “Мама где?” – дебди дўсти.
Бир куни ўзбек, инглиз ва хитойлик тоққа чиқишибди.
— Келинглар бақирамиз. Кимнинг акс-садоси чиройли чиқаркан, - деб бақира бошлашибди.
Ўзбек:
— Мен сени севаман!
"Мен сени севаман" деган акс-садо қайтибди.
Инглиз:
I love you!
Яна шундай акс-садо қайтибди.
Хитойлик:
Хичуокиа мутана жутакоу досоуки
Акс садо:
— Нима дединг? Қайтарвар...
Оқ ва қора танли америкаликлар Россияга келиб қурилишда ишлар экан.
Бир куни иккаласи иш жойида "русчасига" ароқни росса ичиб, қора танлиси оёқда туролмай қолибди.
Оқ танли америкалик шеригини орқасига кўтариб олиб кетаётса, бирданига қурилиш қоровули бақириб қолибди:
— Ҳой, тўхта! Сақични ташла жойига!!!
Бир савдогар кишининг Россиядан қайтгач таъсуротлари:
“Россияда ёш болалар ҳам русчани зўр билишар экан!".