Қора-юмор ҳақида латифалар

Агар сиз ёлғон гапирмасангиз-у, қизариб кетсангиз, демак гипертониксиз.
Агар ёлғон гапирсангиз ҳам қизармасангиз, демак депутатсиз.
— Коронавирусни аниқлайдиган тест жуда-ям тез ишлар эканми?
— Ҳа, 1 сонияда бизни клиникамиз сизда коронавирус бор-йўқлигини аниқлаб беради.
— Қандай қилиб бунча тез?
— Аввал ўзимиз уни сизга юқтириб, кейин "100% бор!" деб айтаверамиз бемалол.
Нефтни нархи тушиб бораётганига қарамай, бензинни нархи тушиб кетишидан сақланиб қолмоқдамиз.
Журналист шаҳар кўчаларидан бирида фуқаролардан интерьвю олмоқда:
— Давлатимиз ривожи тўғриси нима дейсиз?
— Жуда оқилона сиёсат олиб борилмоқда. Фуқаролар шод-ҳуррам. Ҳамма нарса етарли. Нарх-наво пасайиб бормоқда. ...
— Сиз қайси туманда истиқомат қиласиз?
— Мен давлатингизга хориждан меҳмон бўлиб келганман.
Ўғлини мактабга жойлаштиришга келган отага мактаб директори:
— Бизга қандай моддий ёрдам кўрсата оласиз? - дебди.
Ота:
— Бепул прокуратура текширувини ўтказиб бера оламан, - дебди.
ЙПҲ ходими ҳайдовчини тўхтатиб сўрай бошлабди:
— Ҳайдовчилик гувоҳномангиз борми?
— Бор, марҳамат.
— Машинани техник кўрик ҳужжати борми?
— Албатта.
— Суғурта полиси?
— Бор.
— Аптечка?
— Бор.
— Ўт ўчиргич?
— Бор.
— Машинангизда радио приёмник борми?
— Бор. Нега?
— Мусиқани шўхидан қўйинг!
— Нега ахир. Ҳамма нарсангиз бор экан. Ҳозир рақсга тушаман пул қистирарсиз ҳеч бўлмаса...!
Уйлари сув тошқинида ҳаробага айланган аҳолини кўнглини кўтариш учун ҳокимият вакиллари гуруҳ-гуруҳ бўлиб бориб, уларни тез-тез томоша қилиб келишарди.
Океанда сузиб келган шиша идишни ичидан хат топилибди. Унда қуйидаги сўзлар ёзилган эди:
"Кимсасиз оролдаман. Бу ерда тирикчилик учун ҳамма нарса бор. Бу ерда солиқ қўмитаси йўқ, прокуратура йўқ, суд йўқ , маҳалла оқсоқоли-ку умуман йўқ. МИБ йўқ, вирус ҳам йўқ. Энди шу ерни қидиринглар. Тезроқ топиб келинглар!"
Бир ҳоким халқни олдига чиқиб:
— Ҳурматли ҳамшаҳарлар! Бундан бир йил олдин ҳам яхши яшаганмиз, ҳозир ҳам яхши яшаяпмиз, бундан кейин ҳам яхши яшаймиз! – деса, халқ орасида:
— Бизлар-чи??? – деган савол бўпти.
Бир амалдор фуқаролар билан учрашувда гап бошлабди:
— Биз олдин яхши яшаганмиз, ҳозир ҳам яхши яшаяпмиз, бундан кейин ҳам яхши яшаймиз, - деса, фуқаролар орасидан овоз келибди:
— Биз-чи?