Ўқиш-мактаб ҳақида латифалар

— Ўғлим, бугун уйга вазифаларинг кўпми?
— Ҳа, бугун анча асабийлашасиз!
Ўқитувчи:
— Валижон, кундалигингни ота-онангга кўрсатдингми?
Ўқувчи:
— Йўқ, устоз!
Ўқитувчи:
— Нега?
Ўқувчи:
— Ота-онамни саломатлиги мен учун жуда муҳим!
Бола уйга келиб адасига деди:
— Бугун мактабда 5 баҳо олдим.
Адаси сўрабди:
— Қайси саволга жавоб бердинг?
Бола:
— Атом заррасида нечта молекула бор? - деган саволга 2 та деб жавоб бердим.
Отаси:
—Атомда молекула 3 та-ку?!
Бола:
— Ҳамма 1 та деб жавоб берди. Меники тўғри жавобга яқин келди.
Математика ўқитувчисига ўқувчи дебди:
— Устоз, шу фанга дарсларда кирмасам майлими?! Менга математика ҳаётда умуман керакмас!
Устози ўқувчига:
— Ҳали шу гапларингни фарзандларинг билан математика дарсини тайёрлаб ўтирганингда эслайсан! - дермиш.
— Ада, Дубайга дам олгани борайлик. Тинч океанидаги оқ айиқларни тамоша қилардик...
— Нима? Кундалигини олиб кел-чи, география фанидан баҳоларингни тамоша қиламиз!
Агар битта ўқитувчи ҳамма фандан дарс бера олмаса, нега битта ўқувчи ҳамма фанларни билиши керак?
Мактабда ота-оналар мажлиси бошланибди. Синфнинг энг тўпалончи ўқувчисини отасига ўқитувчи дебди:
— Сизни ўғлингиз мактабда ҳар куни ўзини ёмон тутади.
Ота:
— Нима? Мени шунга чақирдингизми? Ўғлим уйда ҳам ҳар куни тўпалон қилади. Сизни уйга чақиртирмаяпман-ку!?
Мактаб ва институтларда оффлайн ўқишлар бошланди.
Ҳамма йигитларни бир савол қийнайди. 8 мартга қизларга совға берамизми? Ахир 14 январда улар беришмади-ку!?
Ўқитувчи сўрабди:
— Алишер, нима учун "Менинг маҳаллам" мавзусидаги иншоинг Қодиржоннинг иншоси билан бир хил ёзилган.
Алишер дебди:
— Чунки мен Қодиржон билан битта маҳаллада яшайман-да!
Ҳаммада шунақами?
Фарзандим билан дарс тайёрлашни бошласам, "Ўзи мактабда ўқиганманми?" деган фикр ҳаёлимга келаверади...!