Суд залида эр-хотин ажрашишмоқда.
Хотин:
— У билан бошқа яшай олмайман! Эрим уйда қўй боқяпти. Нафас олиб бўлмайди...
Судья:
— Деразаларни очиб шамоллатиб турса бўлади-ку...?! Шунга ажрашиш шартми?
Хотин:
— Нималар деяпсиз жаноб судья!? Ахир мени илонларим ўрмалаб ташқарига чиқиб кетишади-ку...
— Яхши қиз, мен сизни қандай топиб олсам бўлади?
— Жуда осон! Бўйим 167 см, вазним 54 кг.
— Бўлди. Ўзим билан тарози ва метр олиб юраман.
Ўқитувчи ўқувчиларга:
— Ким 2 ёки 3 баҳо олса, тўғри дўзахга тушади. Ким 4 ёки 5 баҳо олса, жаннатга...
— Вали ўрнидан туриб:
— Устоз мактабни тирик тугатишга умид борми?
Бугунги кунда турли кўринишдаги тортларга буюртма бериш урф бўлмоқда. Қандолатчиларни фикрича, кўпчилик эркаклар хотинининг туғилган кунига бош мияси шаклидаги тортларни буюртма қилишмоқда. Торт устига эса, "Мени миямни еб тугатмасдан, шуни еб тур!" деган ёзув ёздиришмоқда.
Стоматолог қабулхонаси. Ичкаридан бақирган, "дод-вой" овозлари эшитилиб, хонадан бир одам чиқиб келибди.
Бошқа беморлар:
— Қаттиқ оғритарканми?, - деб сўрашса,
Ҳалиги одам оғзидан иккита узилган бармоқни олиб ташлаб:
— Билмиман, мен бақирмадим, - дермиш.
Ёш қиз отасига:
— Адажон, менга планшет олиб беринг? – дебди.
Отаси:
— Сеҳрли сўзни унутдингми қизим...? – деган экан,
Қизи:
— Жамила, – дебди.
Отаси ҳайрон бўлиб:
— Жамила? Бу нима деганинг? - деса,
Қизи:
— Бу жазманингизни исми... - дебди.
Отаси ўзини йўқотиб:
— Планшетни қанақа рангидан олиб берай, устига ғилоф ҳам керакми...? - дермиш.
Кўчада кетаётган енгилтак аёл бир эркакка қараб:
— Сиз мени бешинчи эримга жуда-ям ўхшар экансиз...!? - дебди
Эркак ҳайрон бўлиб:
— Ўзи эрларингиз нечта бўлган? - деб сўраса, аёл:
— Тўртта, - дермиш.
Бир одам докторга борса,
— Касалингизни даъвоси турп. Кўпроқ турп енг!, - дебди.
Ҳалиги одам кўчага чиқиб турп сотиб ўтирган одамни ҳамма турпини сотиб олибди-да, сал нарироққа бориб турса, турппуруш телефонни олиб:
— Алло, турп тугади. Ҳозир бир қоп шолғом келади, - дермиш.
— Мени энг яқин дўстимни нега шарманда қилдинг? Сени синф раҳбаринг билан ҳиёбонда қўл ушлашиб ўтирганини ҳаммага гапириб бериш шартмиди, ўғлим?
— Синф раҳбаримни ўзлари илтимос қилдилар-да!
— Қанақасига ахир?
— Аҳмедов, нега орқа партада хингиллаб ўтирибсан. Доскага чиқиб сабабини айт! Бизлар ҳам кулайлик, - дедилар ўқитувчим. Кейин мен гапириб бердим...
Ота-бола ҳайвонот боғига келишибди. Бир пайт болакай бақира бошлабди:
— Ада-ада қаранг, шимпанзе!
— Юр, шимпанзени нарироқда кўрсатаман. Бу кассир, ўғлим!