Синфдошлари билан учрашувдан қайтган эридан хотини сўрай бошлабди:
— Азаматни кўрдингизми?
— Ҳа, у аҳмоқ катта юрист бўлиб ишлаётган экан.
— Ботир-чи? У қалай?
— У тентак бош врач лавозимига кўтарилибди.
— Сардор қандай экан?
— Эҳ, у бефаҳм тадбиркорликни бошлабди!
Хотин:
— Қачон сиз ҳам аҳмоқ, тентак, бефаҳм бўларкинсиз-а...?
— Алло, ўртоқ мен уйланяпман!
— Кимга?
— Шунча йилдан бери кимни танисам, ўшанга-да...
— Тентак. Менга уйлана олмайсан-ку ахир!
Эр-хотин уришиб қолибди. Иккаласи ҳам ҳечам гаплашмас экан. Бир куни эри вақтлироқ ишга кетиши керак экан, ётишдан олдин, қоғозга "Эрталаб соат 7:00 да уйғот!", деб ёзиб хотинининг ёстиғи тагига қўйибди. Эр эрталаб уйғонса соат 9:00 бўлганмиш. Жаҳли чиққан эр дарғазаб бўлиб, ўзини ёстиғини кўтарса, бир парча қоғоз, қоғозда эса "Туринг, соат 7:00 бўлди!", деб ёзилган экан.
Ҳамма эр-хотинлар урушиб қолишса ҳам, кун бўйи бир-бири ҳақида ўйлаб юраверишади:
— Эрим аблаҳ,...!
— Хотиним заҳар...!
ДАН ходими автомобилни тўхтатса, ҳайдовчи камарни тақмаган экан.
— Нега камарни тақмадингиз? - деса, ҳайдовчи тиржайиб:
— Сиз хурсанд бўлинг дедим-да, - дебди.
Россиялик олимлар Сибирдаги чаналарга итларни боғлаб ҳаракатланувчи одамларни синаб кўриш мақсадида, уларга Камаз беришибди.
Орадан бир йил ўтгач, олимлар натижани билиш учун Сибирга қайтишибди. Олимлар:
— Ҳўш, сизларга берган машинамиз ёқдими? – деб сўрашса,
ҳалиги одамлар:
— Ҳа. Фақат итларимиз тортишга қийналишяпти-да... – дейишибди.
Эрталабки тиғиз пайт. Тошкент автобуслари йўловчилар билан тўла!
— Акром ака, тўхтаб туринг! Одам кеватти! - бақирибди автобус чиптачиси ҳайдовчига, узоқдан югуриб келаётган йўловчини кўриб.
Бир-икки сония ҳам ўтмай:
— Акром ака, ҳайданг, кетдик. Проездной экан...!
Ўқитувчи ўқувчисидан:
— Қани айт-чи, қулоқлар сенга нима учун керак? – деб сўрабди.
Ўқувчи:
— Кўриш учун, – дебди.
Ўқитувчи:
— Ахир, кўриш учун кўзларинг бор-ку? – деса,
ўқувчи:
— Ҳа, лекин қулоқларим бўлмаса, қалпоғим юзимни беркитиб қўяди-да...- дермиш.
"Биз ёшларни олифтагарчиликлари орқасидан миллиардлар ишлаб оляпмиз!"
Apple ва Samsung компаниялари.
Хотин эрига:
— Овқатланиб олдингизми? – дебди.
Эри бўлса, хотинининг жиғига тегиб:
— "Овқатланиб олдингизми?" – дебди.
Хотин:
— Жиғимга тегаверманг?! – деса,
Эри яна:
— "Жиғимга тегаверманг?!" – деб, жавоб қайтарибди.
Шунда хотин:
— Сени жуда-ям севаман. Туғилган кунингга тилла занжир совға қилмоқчиман! – деса,
Эри:
— Ҳа. Овқатланиб олганман... – дермиш.