— Дўстим, мен китоб ўқиганимда шунчалик кўп билимлар миямга киради-ки ...
— Сени миянгда бўш жой кўп-де ўзи, ўртоқ!!!
Бир куни самолётда учаётган одам ҳадеб, — Эй худо, ишқилиб самолёт қулаб тушмасин, - деб нола қилаверибди. Ёнида ўтирган йўловчилардан бирининг жаҳли чиқиб, — нега ҳадеб минғиллайверасиз?! Мен самолётларда кўп учганман, у ишончли, ҳеч нарса қилмайди!, - дебди. Қўрқаётган йўловчи яна гапира бошлабди:
— Дўстим, сиз билмайсиз! Велосипедга ўтирсам, педали синиб кетади. Таксига ўтирсам, тормози ишдан чиқади. Автобусни эса балони тешилиб қолади, - дебди.
Шу пайт салонга стюардесса кириб:
— Ҳурматли йўловчилар! Самолёт тинч океанига қуламоқда. Ҳозир ҳар бирингизга хуштак тарқатаман. Уни чалсангиз, сизга акула ҳужум қилмайди, - дебди.
Бояги йўловчи жон ҳолатда:
— Ана кўрдингизми?! Ҳозир менга берилган хуштак ё ишламай қолади, ёки акуланинг қулоқлари кар бўлади, - дермиш.
Кунларнинг бирида Путин покемонларни овлаш учун чиқмоқчи бўлибди. Шу куни Россия йўллари шунақанги тез таъмирланибдики, ҳали бунақаси давлат тарихида бўлмаган экан.
Ўғли отасига дебди:
— Дада, мен уйланмоқчиман!
Отаси:
— Аввал кечирим сўра.
— Нимага?
— Сен аввал кечирим сўрашинг керак!
— Лекин нима учун кечирим сўрайман? Гуноҳим нима?
— Узр сўра!
— Нима қилдим? Сабабини айтинг!
— Узр сўрагин.
— Хўп майли, кечиринг дада. Энди сабабини айтарсиз?
— Ана энди уйлансанг бўлади. Ҳеч қандай сабабсиз узр сўрашни ўрганиб олдинг. Бу уйланганингда жуда керак бўлади.
Бир куни афанди чўлда кетаётса, олдидан сеҳрли кўза чиқибди. Афанди кўзани ишқалабди. Ичидан катта жин чиқиб:
— Амрингизга мунтазирман, - дебди.
— Уйга кетгим келяпти, - дебди афанди.
— Унда кетдик, - дебди жин.
— Тезроқ кетгим келяпти, - деса
— Унақада югурдик, - дермиш жин...
Тўққизинчи синфгача ароқ билан пивони аралаштирганлар, сал кейинроқ бетон аралаштириб юрадилар.
Учрашувга чиққан ёшлар суҳбатлашмоқда:
— Қаерда ишлайсиз?, - сўрабди қиз.
— Ёқилғи қуйиш шаҳобчасида, - жавоб берибди йигит.
— Қўлингиздан яна бирор нима келадими?
— Ҳа. Бензиннинг ҳиди келади.
ДАН ходими бир автомобилни тўхтатиб, юкхонасини очиб қараса, ичида ўнта пичоқ турган экан. Ҳайдовчига қараб:
— Шунча совуқ қуролни нима қиласиз?, - дебди.
Ҳайдовчи:
— Мен циркда ишлайман, - деб пичоқларни олибди-да, жанглёрлик қила бошлабди.
Кўчадаги бошқа машинада ўтиб кетаётган ҳайдовчилардан бири ёнидаги хотинига қараб, қўрқув билан:
— Қара хотин, яхши-ям ичишни ташлаганим. ДАН ходимларида янги тест чиқибди, - дермиш.
Икки талаба турмуш қурибди. Тўйда келин ҳеч нарса емай ўтирса, бир меҳмон сўрабди:
— Нега бу келин ҳеч нарса емайди-ям, ичмайди-ям?
Ўтирганлардан бири:
— Чунки у пул қўшмади-да!
Бир бой одам хотинига қўнғироқ қилиб:
— Азизам, гапларимни эшит! Мени бизнесим тамом бўлди, инқирозга учради. Энди мени ҳеч нарсам йўқ!
Эри ишдан қайтиб келса, уйда хотини йўқ эмиш. Ҳамма нарсаларини йиғиштириб, кетиб қолибди.
Эри бўлса:
— Эй, жин урсин бундай аҳмоқни. Ҳазилни-ям тушунмайди ўзи бу!, - дермиш кулиб.