Қариялар ҳақида латифалар

— Бобо, сиз ҳам ёш бола бўганмисиз?
— Ҳа.
— Болалар сизни соқолингизи кўриб, роса кулишгандир-а?!
Юз ёшга тўлган кампир ўзини даволовчи врачига деди:
— Эҳ, Султонбой, сизга шу қадар ўрганиб қолгандим… Мабодо… Ўлиб-нетиб қолсангиз,
мени ким даволаркан-а?..
Маҳалла раиси ҳаммани йиғиб мажлис ўтказа туриб дебди:
— Aёл эркаксиз яшай олмайди, эркак аёлсиз! Иккаласи гўёки сув билан балиққа ўхшайди. Сув бўлмаса балиқ ўлиб қолади, балиқ бўлмаса, сувга ўрдак қўнмайди...
Раисни гапини бир қари онахон бўлиб:
— Бекор гап! Мени чолим ўлганига 30 йилдан ошди. Яшаяпман-ку, ўлганим йўқ, - деса Маҳалла раиси:
— Онахон, мен балиқ ҳақида гапираяпман, капчённый ҳақида эмас, - дермиш.
Бир куни одам тана аъзолари пенсияга чиқишни бошлабди. Кўз ўрнидан туриб айтибди:
— Менга пенсия беринглар. Кўрмай қолдим...
Қулоқ ҳам қўлини кўтариб дебди:
— Менга ҳам нафақа керак. Эшитмай қолганимга анча бўлди...
Узоқдан кимнидир овози келибди:
— Менга ҳам, менга ҳам пенсия керак!
Тана аъзолари дейишибди:
— Қўл кўтариб гапир! Кимсан ўзи?! Сени кўрмаяпмиз!
— Кўтарила олганимда пенсияга чиқмасдим, - дебди минғирлаб.
Кейин қарашса, у тана аъзолари - қўллар экан.
Қабристондан қайтаётган икки кампир суҳбатлашяпти:
— Ёшингиз нечада?
— Саксон еттида.
— Шу ёшингизда пардоз қилиб юрганингизга ўлайми?!
— Ҳа, энди... Ўзингиз неча ёшдасиз?
— Тўқсон учда, айланай.
— Уйга қайтиб овора бўлиб юрганингизга ўлайми?
Бувиси бўйи етган набира қизига дебди:
— Набирагинам, туғилган кунингга бир чиройли дуо қилиб қўяй...
Бўйи етган қиз шошиб бувисига дебди:
— Бувижон, менга ажойиб йигит учрашини дуо қилинг! У йигитсиз бир дақиқа ҳам яшай олмай...
Бувиси ўйланиб туриб дермиш:
— Йўқ, яхшиси сен билан яшай оладиган йигит учрашини сўраб дуо қиламан!
— Амаки, авваллари ширин сут олиб келардингиз, нега олиб келмаяпсиз?
— Эшагим сут бермай қўйди, бачам...
Фараз қилинг инсон 1000 йил яшaса қандай бўларкин! Ота ўғлини сўкяпти: Падаринга лаънат, 670 йилдан бери ичасан, ҳеч ичкиликни ташламайсан, ўғлинг сендан безиб Россияга кетганига 215 йил бўлди, катта ўғлинг 480 га кирди ҳали ўйламайсан, қизинг 270 га кирди қачон эрга берасан, кичик ўғлинг 113 га кирди, суннат тўйиниям қилмадинг!
Сим ёғоч устида икки монтёр ўтирарди. Пастдан қари кампир ўтиб қолди. Монтёрларнинг бири кампирга:
— Онахон, ҳов анави ерда ётган симни узатиб юборинг!
Кампир симни монтёрга узатди-ю, йўлида давом этди. Монтёр эса шеригига:
— Кўрдингми, сенга нима дегандим? "Ноль" деганим рост эканми? Сен бўлсанг, "фаза, фаза", - деб валдирайсан!
— Туғилган кунингга нима совға қилсам экан, неварагинам?
— MP3 қўшиқ ёзилган диск совға қила қолинг, энажон.
— Сенга қанақаси ёқишини билмайман-да.
— Эшитиб қўринг-да, ўзингизга ёқмаганларини танлаб олаверинг.